1º Premio: OCUPACIÓN ROTA de Elisabet Rodríguez Gándara

2º Premio: ME VOY SI NO TE GUSTA MI COLOR de Lucy Blanco Pérez

3º Premio: NECESIDADE DE COMER de Sandra Cristina Surreira Álves

4º Premio: A GAÑAR!. de José María Martínez Villar

A esta  segunda edición do concurso presentáronse 61 fotografías, 20 mais que na edición anterior. Ante a calidade das fotografías presentadas, decidiuse otorgar, ademais do primeiro premio, outros 3 accésit de 200 euros cada un en material fotográfico.

Ademais, seleccionáronse 28 fotografías que participarán na exposición fotográfica PRIORIDADE I. POBREZA E EXCLUSIÓN SOCIAL.

O xurado do Concurso, tras analizar as 41 fotografías presentadas, decidiu outorgar os seguintes premios:

1º Premio: SEN VOZ

2º Premio: AS REBAIXAS

3º Premio: XOGUETES ROTOS

Do mesmo xeito, seleccionáronse 29 fotografías que participarán na exposición PRIORIDADE I: POBREZA E EXCLUSIÓN SOCIAL, que dende o 15 de outubro estará no Parlamento de Galicia con motivo da celebración do 17 de outubro (Día de Loita contra a Pobreza), nunha primeira etapa que a levará por outras cidades galegas.

Según as bases do concurso, o xúrado estivo composto polo Presidente de EAPN Galicia, o coordinador do Grupo de Participación/Axenda 2020 de EAPN Galicia, a Dirección de EAPN Galicia, a Presidenta do Parlamento de Galicia ou persoa delegada e un fotógrafo profesional.

Estas son algunhas das fotografías deste primeiro certame:

EAPN-España presenta o día 17 de xaneiro de 2012 en Madrid a "Guía de estilo para xornalistas sobre persoas maiores". Nesta guía podemos atopar desde as claves para entender a situación das persoas maiores en España e os termos adecuados que se deben utilizar até a implicación dos maiores co voluntariado e a participación social. O seu obxectivo é axudar aos profesionais da comunicación a ofrecer unha información de calidade sobre as persoas maiores, deixando claro a necesidade dunha nova mirada sobre elas nos medios de comunicación e na sociedade en xeral.

Fonte: EAPN-Es

Ao acto acudiron  Mario Outeiro, Delegado de Cultura e Turismo da Deputación de Lugo,Carlos Rosón, Presidente en funcións de EAPN-Galicia, Ana González, Concelleira de Servizos Sociais do Concello de Lugo, Encarna Lago, Xerente da Rede Museística Provincial e Aurelia Balseiro, Directora do Museo Provincial.

As fotografías que compoñen a mostra están relacionadas coa temática “A Pobreza e Exclusión Social en Galicia” onde se reflicten aqueles aspectos que manifestan de calquera xeito a pobreza e a exclusión social na nosa comunidade autónoma.

A exposición permanecerá no Museo Provincial de Lugo ata o día 29 de decembro e poderá visitarse de 10.30 a 14h e de 16.30h a 20.30h de luns a venres, no mesmo horario, pero ata ás 20h, os sábados e de 11h a 14h os domingos e festivos.

Reportaxe sobre a exposición e este acto: El Mundo

Aquí podedes ver algunhas imaxes da inauguración:

Na devandita entrevista Carlos Rosón destacou que “un dos nosos valores fundamentais é a participación” e que por iso “as persoas que participan nos nosos programas teñen un protagonismo esencial no deseño do que é as súas propias vidas e tamén nas actividades que realizamos”. 

Ademais, sinalou que o gran obxectivo de EAPN-Galicia é “loitar para que as persoas en situación de exclusión e pobreza sexan membros activos da sociedade, exercitando os seus dereitos e cumprindo os seus deberes”.

Por último, denunciou a situación na que se atopa o Terceiro Sector de Acción Social, xa que  “somos o último sector en orzamento e o primeiro en recortes”.

Podedes escoitar a entrevista íntegra no documento adxunto nesta mesma páxina. A entrevista ten unha duración de 13:22 minutos.

Contamos coa presenza de Carmen Basadre Vázquez, Concelleira de Benestar Social, Igualdade e Xuventude do Concello de Lugo, que destacou que “medidas como esta exposición, que tratan de concienciar desde unha maneira didáctica, son fundamentais para facer ver e dar a entender a problemática da exclusión social”.

Na mesma liña pronunciábase Carlos Rosón Varela, Secretario de EAPN-Galicia, afirmando que “EAPN cumpre, con esta exposición, varios dos seus obxectivos fundacionais como a visibilización da exclusión social ou a corresponsabilización de axentes craves na loita contra a pobreza facendo visibles situacións de exclusión social ao conxunto da sociedade”. Ademais, sinalou que as entidades que compoñen o Terceiro Sector de Acción Social, “somos as últimas en orzamentos e as primeiras en recortes”. 

Por último, Pilar Santos Solla, Xerente das Termas, mostraba o compromiso do Centro Comercial con estas iniciativas, xa que “na nosa condición de axente socioeconómico de Lugo temos a obrigación de colaborar na sensibilización sobre a exclusión social, mostrando a súa realidade e as accións que se acometen para paliala”.

A exposición poderá visitarse na planta baixa do Centro Comercial en horario de 20h a 1.00h de luns a xoves e domingos e até as 3.00h venres e sábados.

Aquí podedes ver algunhas imaxes da presentación:

25 de decembro de 2011

O director da Rede Galega de Loita contra a Pobreza, Santiago González, advertiu, nunha entrevista feita a Rne, de que “a demanda de alimentos ás organizacións sociais duplicouse desde que se iniciou a crise, a económica triplicouse”. E sinalou que "sen estar en situación de fame salva en casos moi puntuais e de persoas illadas, estamos nunha situación de necesidade extrema".

Denunciou a situación que atravesan as entidades sociais xa que “hai organizacións que viron reducido o seu persoal até un 50 por cento, polo que o incremento de voluntarios non chega para suplir este recorte”. Ante esta situación, sentenciou que “se pechase o Terceiro Sector de Acción Social produciríase unha auténtica quebra social".

Destacou a flexibilidade que demostraron ter as entidades sociais para dar resposta ás necesidades da cidadanía fronte á Administración Pública e esta debe ter claro que “investir en persoas é o máis importante”. Así, en resposta a unha pregunta sobre os investimentos que se fan na Cidade de Cultura ou aos aeroportos, sinalou que "hai cousas máis prioritarias" nas que gastar, pero tamén situou como unha responsabilidade da cidadanía reclamar este cambio de rumbo ao Goberno e os políticos.

Podedes ver a entrevista en  El Progreso

Tamén en  ABC

Comezou facendo referencia á crise económica, centrando a súa intervención nas “cuestións que suscita a crise ao redor dos nosos proxectos, que en último termo son a consecución dunha sociedade máis xusta e máis humana”. 

Dentro dás referencias aos colectivos con dificultades, que son os que a nós nos ocupan, destacou a importancia de “aproveitar os tempos de bonanza económica para xerar un sistema de protección social moito menos familista”.  Ademais, prestou especial atención á situación dos inmigrantes que “viñeron para contribuír á expansión económica e que agora son culpabilizados pola falta de traballo e a precariedade dos recursos públicos”.

Definiu inserción socio laboral como “permanencia activa no mercado laboral durante un período prolongado de tempo, non inferior a seis meses continuados nun ano ou a un ano discontinuado en dous anos” e sinalou que “falamos de inserción socio-laboral porque as principais dificultades para lograr a inserción laboral son de índole social”.

En relación cos itinerarios, houbo un aspecto de especial importancia xa que marcou a “óptica” desde a que se debería analizar a inserción socio-laboral, e é que “as persoas teñen en si as capacidades para resolver os seus problemas. Só fai falta que aprendan a ler a súa realidade de forma correcta e a darlle as respostas acordes con esas capacidades”.

Como conclusión destaca unha frase mencionada ao termo do relatorio “o traballo en itinerarios de inserción socio-laboral, coas súas limitacións, é unha das formas actuais de facer presente, de forma incipiente, fráxil e sinxela, esa utopía á que aspiramos”.

Aquí podedes ver as diferentes fotografías da Exposición:

Á inauguración acudiron o presidente de EAPN-Galicia, Carlos Rosón, Laura Rodríguez, directora da Fundación Rodríguez Iglesias e representantes dalgunhas das principais ONG de A Coruña. A exposición permanecerá na sede da Fundación Rodríguez Iglesias até o día 1 de decembro, en horario de 16h a 19.30h.

Carlos Rosón destacou que "ás persoas en risco de exclusión cando se lles da a oportunidade de participar sempre responden". Pola súa parte,  Laura Rodríguez, recordou a "importancia deste tipo de exposicións nos tempos de crisis nos que vivimos".

 EXPOSICIÓN "PRIORIDADE 1" EAPN-Galicia

28 novembro ó 1 de decembro

Horario: 16h a 19.30h

FUNDACIÓN RODRIGUEZ IGLESIAS.

C/ Cordelería 32. Edificio Hércules.
15003 A Coruña 

No seguinte enlace podedes escoitar a entrevista que deu Carlos Rosón na Radio Galega, o programa Convivir en Igualdade o pasado día 29, por mor da mostra da Exposición "Prioridade 1" en A Coruña: preme aquí   (minuto 24:25)

Nova sobre a inauguración en La Opinión: preme aquí

Nas seguintes fotografías da inauguración podedes ver a Carlos Rosón, presidente de EAPN-Galicia e a Laura Rodríguez, directora da Fundación Rodríguez Iglesias:

Destacamos ademais a formación dunha nova Xunta Directiva, composta por:  

Presidencia: COGAMI
Vicepresidencia: Down - Galicia
Secretaría: Igaxés 3
Tesourería: Feafes - Galicia

Despois contamos coa realización dun Estudio e foro de debate: Cómo loitar contra a pobreza e a Exclusión social en Galicia.

Aquí podedes ver algunhas das fotografías do Estudo e foro de debate:

SEMINARIO: É A POBREZA NOTICIA?

AS PERSOAS EN RISCO DE EXCLUSIÓN SOCIAL NOS MEDIOS DE COMUNICACIÓN

EAPN Galicia e a Asociación Galega de Reporteiros Solidarios (AGARESO) organizan este seminario, aberto e gratuíto, o 21 de outubro na Facultade de Ciencias da Comunicación da Universidade de Santiago de Compostela.

O obxectivo principal desta xornada é, dende unha concepción moi práctica, analizar o tratamento da información, terminoloxía empregada e visibilidade dos colectivos de persoas mais vulnerables, facilitando ou elaborando ferramentas que permitan mellorar a comunicación. Está dirixido tanto a membros de entidades sociais galegas coma a profesionais, estudantes ou responsables de medios de comunicación.

Ao longo da mañá buscarase, de xeito práctico e participativo, como mellorar a presenza de persoas con discapacidade, inmigración ou do colectivo xitano, nos medios de comunicación. Para contextualizar esta problemática, contaremos tamén coa presenza de Bieito Rubido, director de ABC.

Para inscribirse, abonda escribir un correo a:   formación.eapngalicia@gmail.com

Estas son as fotos do evento:

O 17, 18 e 19 de novembro tivo lugar en Santiago de Compostela o Seminario "A Estratexia Europa 2020 nas Comunidades Autónomas" organizado por EAPN-España, coa colaboración de EAPN-Galicia. No seguinte vínculo pódese visualizar a cobertura que do evento fixo a TVG:

Informativo serán 17/11/2011 TVG.

TVG cobertura do Parlamento 23/10/2011   (do minuto 15:50 ao 17)

Vídeo do “Informativo serán” da TVG 17/10/2011

Agora xa podes estar ao tanto de todas as novidades que xere EAPN-Galicia a través da ferramenta RSS.

Poderás elixir a sección que máis che interese ou acceder aos titulares globais. Ademais dámosche a opción de vinculalos cos Lectores RSS máis habituais cun simple clic.

eapn-galicia.com en RSS

• Todas as Novidades

O 24 de setembro de 2011 tivo lugar en Santiago de Compostela, na Escola Galega de Administración Pública (EGAP) o II Encontro de Cidadanía Inclusiva, organizado por EAPN-Galicia.

O Encontro, dirixido a persoas voluntarias en situación de pobreza e/ou exclusión social, persoas voluntarias de organizacións sociais e persoal técnicos de organizacións sociais, colexios profesionais e administracións públicas, tiña como obxectivo construír un espazo no que se levara a cabo un intercambio de experiencias, opinións e reflexións entre os asistentes.

Durante esta xornada do II Encontro de Cidadanía Inclusiva contamos coa ponencia “Dificultades, posibilidades e retos para unha verdadeira inclusión social” de Graciela Malgesini (EAPN-España), un obradoiro relacionado con este tema, unha Mesa de Boas prácticas e un segundo obradoiro de cómo mellorar a nosa participación e empregabilidade.

As conclusións serán difundidas entre ás institucións públicas e forzas políticas, como se fixera na edición anterior deste Encontro.

www.fundacionronsel.org/

JUANSOÑADOR é unha iniciativa social da Familia Salesiana no seu afán de dar respostas sociais e educativas a colectivos que se atopan en situación de risco e exclusión social, especialmente os mais novos. O seu obxetivo é facer realidade o dereito das persoas mais necesitadas a unha vida mais digna, centrándose nos nenos, nenas, adolescentes, familias e inmigrantes en situación de risco ou exclusión social.

                                   www.fundacionjuans.org