A Rede Galega contra a Pobreza é unha entidade non lucrativa e de acción social que agrupa a entidades autonómicas do terceiro sector implicadas na loita contra a pobreza e a exclusión a través da defensa dos dereitos dos colectivos en risco e da súa participación comunitaria plena.

EAPN-Galicia está constituída por 14 entidades representativas de colectivos vulnerables, que unen en rede os seus esforzos para acadar sinerxías e crear unha plataforma que denuncie as desigualdades sociais, que canalice e dea voz ás demandas do sector para a súa introdución na axenda política.

EAPN-Galicia forma parte da European Anti Poverty Network, Rede no nivel europeo que leva traballando de modo independente dende 1990.

A UE considera en situación de pobreza a todo aquel que vive baixo o limiar do 60% da media de ingresos do seu país.

En 20 dos 27 estados membros, a porcentaxe do risco de pobreza entre os menores de 0 a 17 anos, foi do 20% da poboación total.

Os niveis máis elevados, rexistráronse en Romanía: 33%, Bulgaria: 26% e en Italia e Letonia: 25%; mentres que o máis baixo rexistrouse en Dinamarca: 9%.

Se temos en conta a poboación xeral, a taxa de pobreza media nos Vintesete é do 17%.

Letonia: 26%, Romanía: 23%,  e Bulgaria: 21%, son os países cunha maior taxa de pobreza, seguidos por España, Italia e Grecia: 20% cada un.

Do informe tamén é salientable que o outro grande foco de pobreza son os anciáns, cunha taxa do 19% no conxunto da UE.

Por países, os maiores de 65 representan ata un 51% en Letonia, un 49% en Chipre e un 39% en Estonia.

Noutro extremo, os anciáns con menor risco de exclusión social son os húngaros: 4%, os luxemburgueses: 5% e os checos: 7%.

A porcentaxe de pobreza entre os que teñen un empleo é claramente máis reducido que entre os que non, e só un 8% dos cidadáns da UE asalariados, está en risco de exclusión social.

Fonte: EFE