/Castellano Bandera Española

NACE A PLATAFORMA DO TERCEIRO SECTOR

A Plataforma do Terceiro Sector nace coa intención de loitar polos derechos sociais, o Estado de Bienestar e a defensa das persoas máis desfavorecidas. Esta nova entidade ten entre as súas prioridades o fomento activo da articulación do Terceiro Sector en todo o territorio e o fomento dun clima de cooperación coas plataformas xa existentes nalgúns ámbitos territoriais, ás que convidará o diálogo e á súa posible participación futura.

Está composta pola Plataforma de ONG de Acción Social (POAS); a Plataforma do Voluntariado de España (PVE); a Rede Europea de Loita contra a Pobreza e a Exclusión Social do Estado Español (EAPN-É); o Comité Español de Representantes de Persoas con Discapacidade (Cermi); Cruz Vermella Española; Cáritas e o ONCE.

A primeira Asemblea Xeral tivo lugar o 10 de xaneiro de 2012 en Madrid na que participaron setenta e catro representantes das diferentes entidades que compoñen a Plataforma. Entre outras decisións elixiuse aos cargos previstos nos seus estatutos:

Presidente: Luciano Poyato Roca (Plataforma do Voluntariado de España).
Vicepresidentes: Juan Lara Crevillén (Plataforma de ONG de Acción Social), Carlos Susías Rodado (Rede Europea de Loita contra a Pobreza e a Exclusión Social EAPN-É), Luís Cayo Pérez Bo (Comité Español de Representantes de Persoas con Discapacidade CERMI), Fernando do Rosario Romeu (Cruz Vermella Española) e Sebastián Moura Rosado (Cáritas Española).
Secretario Xeral: Rafael de Lorenzo García (Organización Nacional de Cegos Españois ONCE).

O obxectivo é facer desta Plataforma unha nova entidade global, con espírito reivindicativo pero colaborador, que trata de materializar novas solucións de carácter social e económico para saír da actual situación de crise e evitar que afecte a dereitos sociais e coberturas do Estado de Benestar.

Fonte: EAPN-ES

ASAMBLEA, ESTUDO E FORO DE DEBATE DE EAPN-GALICIA 2011

14 DE DECEMBRO DE 2011

O día 14 de Decembro ten lugar en Santiago de Compostela a Asemblea Ordinaria e electoral de EAPN-Galicia. Ademais, contaremos cun Estudo e foro de debate sobre Cómo loitar contra a Pobreza e a Exclusión en Galicia.

Seguindo os Estatutos de EAPN-Galicia, a Asemblea Xeral é o máximo órgano de goberno da asociación e está constituída pola suma de todas e cada unha das entidades asociadas, representadas por unha persoa física designada pola respectiva entidade. Ten, entre outras funcións, aprobar o plan de actividades da asociación e elixir aos membros da Xunta Directiva, aprobar a constitución das Mesas Sectoriais e Grupos de Traballo que considere axeitados.

Máis información e fotografías do Foro de debate: aquí

SEMINARIO ORGANIZADO POR EAPN-ESPAÑA, COA COLABORACIÓN DE EAPN-GALICIA, EN SANTIAGO DE COMPOSTELA.

“A Estratexia Europa 2020 nas Comunidades Autónomas. Dous fitos contra a pobreza e a exclusión social: 2015 e 2020”

O 17 e 18 de novembro terá lugar en Santiago de Compostela o Seminario “A Estratexia Europa 2020 nas Comunidades Autónomas: Dous fitos contra a pobreza e a exclusión social: 2015 e 2020” na Escola Galega de Administración Pública (EGAP).

O Seminario ten como principais retos: facer efectivas as políticas de loita contra a pobreza e a exclusión social, garantir a participación cidadá en todo este proceso, especialmente das persoas en situación ou risco de pobreza e/ou exclusión social e determinar o papel do Terceiro Sector de Acción Social como actores das políticas sociais no contexto da crise.

Ademais, pretende situar a realidade da pobreza e a exclusión social en España e en Galicia no primeiro plano da axenda política e mediática, así como mostrar a importancia que un Terceiro Sector de Acción Social articulado e con capacidade de incidencia e o seu voluntariado teñen na implantación de políticas de inclusión social.

A Rede Europea de Loita contra a Pobreza (EAPN-ES), da que forma parte EAPN Galicia, así como a maioría das principais redes de organizacións non lucrativas e de voluntariado, como a Plataforma de ONG de Acción Social (POAS), a Plataforma do Voluntariado (PVE) ou o Comité Español de representantes de persoas con Discapacidade (CERMI) iniciaron un proceso de traballo conxunto que pretende impulsar unha Estratexia de Inclusión Social en España para a próxima década. Para isto, propoñen os obxectivos e medidas clave que ha de ter, así como un seguimento efectivo a nivel da comprometido pola Administración Xeral do Estado e as Comunidades Autónomasao aprobar o Plan Nacional de Reforma.

Para máis información: preme aquí

Para ver as fotos do evento: preme aquí.

Para ver a cobertura multimedia do evento: preme aquí

Para solicitar os certificados de asistencia: preme aquí.

17 de outubro, DÍA CONTRA A POBREZA

O Parlamento de Galicia recibe á EAPN con motivo do Día contra a Pobreza

Representantes da rede, participantes no Encontro de Cidadanía Inclusiva e fotógrafos participarán no acto.

O 17 de outubro, Día internacional para a erradicación da pobreza, tivo lugar no Parlamento de Galicia a inauguración da exposición do II Certame de Fotografía Inclusiva organizado por EAPN-Galicia. Contamos neste acto coa presenza da Presidenta do Parlamento, Pilar Rojo, de deputados dos diferentes grupos parlamentarios, ademais dos premiados, dos representantes das organizacións da rede e voceiros do II Encontro Galego de Cidadanía Inclusiva.

O primeiro premio foi acadado por Elisabet Rodríguez Gándara, o segundo por Lucy Blanco Pérez, e o terceiro e o cuarto por Sandra Cristina Surreira Álves e Jose María Martínez Villar, respectivamente.

Ó inicio do acto, o presidente en funcións de EAPN-Galicia, Carlos Rosón, deu lectura o Manifesto por unha Cidadanía Inclusiva, onde se recollen as propostas para a mellora da situación actual da pobreza e da exclusión social, resultado do II Encontro Galego de Cidadanía Inclusiva organizado pola Rede Galega de Loita contra a Pobreza. A exposición, que concluirá o vindeiro venres, tivo unha moi boa acollida entre os asistentes.

Para ver as fotografías premiadas:preme aquí

Para ver as fotografías da inauguración da exposición no Parlamento de Galicia:preme aquí

II ENCONTRO GALEGO DE CIDADANIA INCLUSIVA

O sabado 24, en Santiago de Compostela. Para a participación de persoas en risco de pobreza ou exclusión.

O sábado 24 de setembro, na Escola Galega de Administración Pública (EGAP) de Santiago de Compostela, EAPN organiza o II Encontro Galego de Cidadanía Inclusiva. O obxecto deste encontro de persoas en situación ou risco de pobreza e/ou exclusión social é o de fomentar o intercambio de experiencias, opinións e reflexións que permitan situar a persoa e a súa participación no centro da acción pola inclusión, contribuíndo ao seu empoderamento e dignidade coma cidadáns e cidadás, apoiando as súas capacidades para comprender e reconducir as dificultades e problemas polos que atravesan.

Baixo o lema “participando e construíndo futuro” o II Encontro conta xa con mais de 70 participantes, ademais de representantes de entidades do Terceiro Sector Social Galego, especialmente con máis de 50 persoas moi diferentes pero cunha característica en común: poucas tiveron ata agora a ocasión de expresar en público a súa opinión, as súas preocupacións ou propostas: persoas con algunha discapacidade, inmigrantes, xóvenes tutelados, sen teito, de etnia xitana....

Graciela Malgesini, responsable de incidencia política de EAPN España, e experta en inclusión social, abrirá coa ponencia “Dificultades, posibilidades e retos para unha verdadeira inclusión social” os grupos de traballo no que os participantes proporán e debatiran sobre estes temas.

Pola tarde, tras unha mesa de boas prácticas de persoas que atoparon traballo a pesar da crise e das dificultades persoais, debaterase en grupo especificamente sobre ¿Cómo melloramos a nosa participación e empregabilidade?

As conclusións do II Encontro serán difundidas entre institucións públicas e forzas políticas, como xa se fixo na edición anterior, donde o Manifesto por unha Cidadanía Inclusiva, foi asumido por unanimidade no Parlamento de Galicia.

Para ver as fotografías do II Encontro de Cidadanía Inclusiva: preme aquí

(180,65 Kb)

II CONCURSO FOTOGRÁFICO DE CIUDADANÍA INCLUSIVA

Fotografías premiadas

O xurado do Concurso, tras analizar as 61 fotografías presentadas (20 mais que na primeira edición), decidiu outorgar os seguintes premios:

1º Premio: OCUPACIÓN ROTA de Elisabet Rodríguez Gándara

2º Premio: ME VOY SI NO TE GUSTA MI COLOR de Lucy Blanco Pérez

3º Premio: NECESIDADE DE COMER de Sandra Cristina Surreira Álves

4º Premio: A GAÑAR!. de Jose María Martínez Villar

Como se contemplaba nas bases, ante a calidade das fotografías presentadas, decidiuse otorgar, ademais do primeiro premio, outros 3 accesit de 200 euros cada un en material fotográfico

Do mesmo xeito, seleccionáronse 28 fotografías que participarán na exposición fotográfica PRIORIDADE I. POBREZA E EXCLUSIÓN SOCIAL, que xunto coas mellores fotografías da primeira edición do concurso, está a percorrer diferentes localidades galegas.

Según as bases, o xúrado estivo composto por:

Dna Pilar Rojo. Presidenta do Parlamento de Galicia
D. Benigno Lopez. Valedor do Pobo
D. Santiago González. Presidente de EAPN Galicia (delegado no seu Secretario, D.David Silva)
D. Carlos Rosón. Vicepresidente de EAPN Galicia. Comisario da Exposición.
Dña. Lorena Añón. Secretaria do Grupo de Participación de EAPN Galicia.
D. Guelen Dillo. Grupo de Participación EAPN Galicia
D. Xosé Cuns. Director de EAPN Galicia.
D. Antonio Porto. Gañador da I Exposición Prioridade 1.
D. José Trigo. Fotógrafo aficionado.
Dna. María Caramés. Fotógrafa

I FORO GALEGO DE POBREZA, EXCLUSION SOCIAL, TERCEIRO SECTOR E VOLUNTARIADO. Dende as políticas ás persoas.

O 30 de xuño e o 1 de xullo en Santiago de Compostela, mais de 30 expertos participarán na análise desta problemática dende a perspectiva europea, española e galega.

EAPN organiza este I Foro coa ambición de se convertir no primeiro dos encontros de referencia en Galicia que afronten e analicen a problemática da pobreza e a exclusión social dende o triple punto de vista habitual en EAPN: europeo, español e galego.

Dirixido a responsables e persoas voluntarias de entidades de acción social así como a responsables e persoal técnico das administracións galegas, sindicatos, investigadores e comunidade universitaria, terá tres eixos condutores:

A análise da implantación da Estratexia Europa 2020 e dos compromisos que para Galicia supón o recentemente aprobado Plan Nacional de Reformas nos seus apartados de emprego e loita contra a pobreza e a exclusión, e no que se recollen algunhas das propostas do Terceiro Sector de Acción Social galego. Con especial atención ao Anteproxecto da nova Lei de Inclusión Social de Galicia.
A articulación e a incidencia política dende o Terceiro Sector de Acción Social nun contexto presente e futuro de crise económica e social.
A participación de persoas en situación ou risco de exclusión nas nosas entidades e nos medios de comunicación.

Mais de 30 especialistas a nivel europeo, estatal e galego, teñen prevista a súa participación neste Foro no Centro Social Novacaixagaicia (Praza de Cervantes. Santiago de Compostela). Difundirase ademais completa información como o informe realizado dende EAPN Galicia "Concretando a Estratexia Europa 2020 en Galicia: Retos en materia de exclusión Social"

As prazas son limitadas, polo que a inscripción previa e gratuita, poderase facer ata ao 24 de xuño, indicando nome e apelidos, DNI e institución ou entidade á que pertence se é o caso, así como a selección dos 3 coloquios aos que lle gustaría asistir. Neste enderezo:

formacion.eapngalicia@gmail.com

O detalle do programa e a documentación que se irá facilitando estará dispoñible nesta páxina.

Programa resume aquí.

(187,40 Kb)

Presentada a campaña “CUN PEQUENO XESTO AS COUSAS CAMBIAN, ¿QUERES VELO?”

So un 49,5% dos contribuíntes galegos marca a casiña da XSolidaria destinada a fins sociais

Representantes de 187 organizacións non lucrativas galegas presentamos a Campaña XSolidaria que cada ano se leva a cabo para incidir na necesidade de marcar o cadro de Fins Sociais na Declaración da Renda e contribuír así, co 0,7% da súa cota íntegra, a programas dirixidos a colectivos en risco de pobreza e exclusión social.

No acto de presentación da campaña estiveron presentes, ademais do Secretario e do Director de EAPN Galicia, representantes da Federación de Asociacións en favor das Persoas con Discapacidade Intelectual en Galicia (FADEMGA), a Coordinadora Galega de ONG para o Desenvolvemento, a Confederación de Centros de Desarrollo Rural (COCEDER), a Federación de Asociacións de Persoas Xordas de Galicia (FAXPG), Fundación Meniños, ACCEM Galicia, Autismo Galicia e a Fundación Erguete Integración.

Aínda que nos últimos anos non deixou de aumentar o número de persoas que destinan o 0,7% a Fins Sociais, o certo é que o 23% dos galegos que fixeron a Declaración da Renda non marcaron ningunha opción das dispoñíbeis.

A cantidade de cartos que se recadaron en Galicia a través da casiña Fins Sociais foi de 13,1 millóns de euros. Se todos os contribuíntes galegos marcaran esta casiña, a cantidade de cartos destinados aos proxectos para as persoas máis desfavorecidas aumentaría ata os 24,6 millóns de euros.

Grazas ao 0,7% do recadro Fins Sociais, en Galicia benefícianse 253.140 persoas. Os colectivos aos que van destinados estes programas teñen que ver coa infancia, a mocidade, as mulleres, os maiores, as persoas con discapacidade, persoas con drogodependencia, persoas afectadas pola Sida, o pobo xitano, persoas reclusas e ex reclusas, programas para a inclusión social e migrantes.

O sector solidario impulsor desta Campaña considera vital que, nun contexto de crise financeira que afecta aos colectivos máis vulnerables e desprotexidos, se siga incrementando a recadación da cota íntegra dos contribuínte para Fins Sociais.

O imposto da renda é o único que permite que a cidadanía poida decidir o destino dunha porcentaxe de impostos que xa lle foron retidos. Isto non quere dicir que se lle teña que pagar máis ou que se lle devolva menos.

Ademais,pódese marcar á vez a casiña de Fins Sociais e a da Igrexa Católica

Mais información en www.xsolidaria.org

Informe resume aquí.

(1.953,50 Kb)

CONVOCADO O II CONCURSO DE FOTOGRAFÍA INCLUSIVA: Pobreza e Exclusión Social en Galicia

Ata o 15 de xullo fotógrafos afeccionados, especialmente persoas participantes en programas contra a pobreza e a exclusión, poderán enviar fotografías. O Parlamento de Galicia e o Valedor do Pobo forman parte do xurado

Despóis da boa acollida da primeira edición pola calidade do médio centenar de fotografías presentadas e a súa difusión trala inauguración e exposición no Parlamento dos mellores traballos con motivo da celebración do Dia contra a pobreza (17 de outubro) e logo por diversos concellos galegos EAPN quere nesta segunda edición reforzar a participación na exposición das persoas participantes nos programas de entidades do Terceiro Sector de Acción Social galego.

O concurso aposta pola imaxe fotográfica como motor de inclusión social: facer visibles situacións de exclusión social ao conxunto da sociedade, involucrar a fotógrafos profesionais e afeccionados en realidades que na maior parte dos casos ata agora eran alleas e sobre todo pór a disposición das persoas en situación ou risco de exclusión social un vehículo de expresión propio. Todo elo para que os poderes públicos dirixan a súa atención cara aos colectivos máis vulnerables, situando as persoas no primeiro plano da axenda política.

As fotografías presentadas ao concurso deberán estar relacionadas coa temática “A Pobreza e Exclusión Social en Galicia” onde se poderá reflectir aqueles aspectos que manifesten de calquera xeito a pobreza e a exclusión social na nosa comunidade autónoma. Cada fotografía deberá ir acompañada dun texto que explique o significado da mesma.

O 15 de xullo remata o prazo para a aceptación dos traballos. Tras esta data, o xurado composto por membros de EAPN, fotógrafos (entre os que destaca Antonio Porto, o gañador da anterior edición) e especialmente a presidenta do Parlamento de Galicia e o Valedor do Pobo, fará unha selección da mellor fotografía á que se lle otorgará o primeiro premio de 600 euros. Excepcionalmente poderán concederse accesits en función da calidade dos traballos presentados.

Entre tódalas fotografías recibidas farase unha selección daquelas que reúnan unha calidade ou interese para formar parte da “II Exposición de Fotografía Prioridade 1: Pobreza y Exclusión Social”, así como para seren publicadas no catálogo da mesma.

Pódense descargar as bases aqui:

(106,40 Kb)

INAUGURADA EN SAN SADURNIÑO A EXPOSICIÓN FOTOGRÁFICA “PRIORIDADE 1: POBREZA E EXCLUSION SOCIAL\"

Estará aberta ata o 29 de abril, na Casa da Cultura

Apostar pola imaxe fotográfica como motor de inclusión social, facer visibles situacións de pobreza e exclusión social e sobre todo pór a disposición das persoas en risco de exclusión un vehículo de expresión propio. Todo para que os poderes públicos dirixan a súa atención cara aos colectivos máis vulnerables, situando as persoas no primeiro plano da axenda política.

Estes son os obxectivos da exposición que estará aberta ata o 29 de abril, de luns a venres de 9 a 14 e de 15:30 a 20:30 e que ven de ser inagurada polo Alcalde, Secundino García, e a concelleira de Servizos Sociais de San Sadurniño, María Muíño así como polo Director de EAPN Galicia e representantes dalgunhas entidades membro como Teima Down ou Cogami.

A organización e difusión da exposición, así como das visitas de rapaces e rapazas da comarca, é posible pola implicación e a vontade de traballar xuntos dos departamentos de Servizos Sociais e Cultura do concello e o esforzo voluntario de persoas das entidades sociais de loita contra a pobreza e a exclusión social.

EAPN GALICIA PARTICIPA POR PRIMEIRA VEZ NO CONSELLO GALEGO DE VOLUNTARIADO

Aprobado o anteproxecto de Lei de Acción Voluntaria recollendo algunas das propostas das entidades sociais de voluntariado

O presidente de EAPN Galicia, Santiago González Avión, participou por primeira vez como membro de pleno dereito, na xuntanza ordinaria do Consello Galego de Voluntariado celebrado o 21 de marzo.

Neste Consello, entroutros aspectos, aprobouse por unanimidade o anteproxecto de Lei Galega de Acción Voluntaria. Este ditame é preceptivo para o trámite parlamentario da nova Lei . A aprobación recolleu observacións do Instituto Galego de Estatística, o concello de Ferrol e nome da FEGAMP e UXT.

EAPN-Galicia, en nome do sector social, felicitouse por seren recollidas varias das propostas enviadas no seu día ao borrador anterior do Anteproxecto de Lei, pero continuou a criticar aspectos como a definición de persoa voluntaria, esgazada das entidades de acción voluntaria, as facilidades para a Administración Pública fronte ao sector social, a súa maior representación en todos os ámbitos e a súa preeminencia na acreditación a acción voluntaria, así como polo feito de non precisar da constitución dunha entidade de acción voluntaria para promover accións recoñecidas como voluntariado.

Por outra banda, a composición do Consello, ainda que mellora cunha vicepresidencia o borrador anterior, demostra a escasa representación do sector e a sobrerrepresentación dos poderes públicos.

Na segunda parte da sesión, douse conta do comezo dos traballos do novo Plan Galego de Voluntariado e das múltiples e interesantes iniciativas previstas para a celebración do Ano Europeo de voluntariado, e a organización do Congreso Estatal de Voluntariado.

O ultimo borrador do Anteproxecto, pódese consultar aquí.

EAPN GALICIA E AGARESO PRESENTAN UNHA GUÍA DE ESTILO PARA XORNALISTAS

¿Cómo informar de colectivos en risco de exclusión?

Santiago González, presidente da Rede Galega contra a Pobreza (EAPN Galicia) e Juan de Sola, presidente da Asociación Galega de Reporteiros Solidarios (AGARESO), presentaron hoxe a Guía de Estilo para Xornalistas: Como informar de colectivos en risco de exclusión?. Este documento inclúe recomendacións e normas de estilo para a boa praxe xornalística, centrando a atención en tres colectivos: persoas migrantes, persoas con discapacidade e comunidade xitana.

Unha guía para a toma de conciencia

Para promover a toma de conciencia por parte de editores, profesionais e estudantes de comunicación, EAPN Galicia e AGARESO organizaron o pasado 21 de outubro de 2010 o seminario “É a pobreza noticia? As persoas en risco de exclusión social nos medios de comunicación”.

Celebrada na Facultade de Ciencias da Comunicación da Universidade de Santiago de Compostela, esta xornada de traballo práctico serviu para detectar erros e propoñer melloras no tratamento informativo que reciben día a día as informacións relativas ás persoas en risco de exclusión social, poñendo a énfase en tres colectivos concretos: o das persoas migrantes, o das persoas con discapacidade e o da comunidade xitana. O resultado do traballo realizado durante este seminario sintetízase nesta Guía de estilo para xornalistas.

Especializarse é mellorar

No panorama actual de medios escasean os produtos informativos que analicen, reflexionen e acheguen solucións para os retos que os colectivos en risco de exclusión lle presentan á sociedade. Trátase de acudir a fontes expertas e técnicas, abandonando prácticas prexudiciais como as frecuentes enquisas a pé de rúa, que só reproducen prexuízos ou discursos exculpatorios da exclusión social.

Estes retos implican un serio esforzo de formación e actualización continuas por parte do profesional, así como un recoñecemento desta necesidade por quen exerce labores directivas nas empresas.

Ferramenta de uso diario

Esta guía quere ser unha ferramenta útil e de fácil manexo. Un documento de uso diario para corrixir defectos, despexar dúbidas e afianzar boas prácticas á hora de facer comunicación sobre a migración, a discapacidade ou a realidade xitana.

Cabe destacar que esta guía viuse enriquecida coa participación das persoas asistentes ao seminario. Tamén é debedora dun feixe de códigos de estilo elaborados por distintos colectivos e institucións, así como doutros informes e ensaios.

A Guía de estilo pódese descargar (en galego ou castelán) aquí

(342,33 Kb)

A EXPOSICIÓN FOTOGRÁFICA “PRIORIDADE 1: POBREZA E EXCLUSION SOCIAL”, CHEGA A NARON

Ata o 13 de marzo, no vestíbulo do Pazo de Cultura, EAPN Galicia, en colaboración co Concello de Narón, presenta esta exposición formada por fotografías e textos de 29 fotógrafos e fotógrafas profesionais e afeccionados.

Os mellores traballos do I Concurso de Fotografía Inclusiva organizado por EAPN Galicia inclúense nesta exposición que foi presentada e exposta no Parlamento de Galicia co gallo da celebración do Día Mundial contra a Pobreza (17 de outubro),

A exposición, que estará aberta de luns a venres de 10 a 14 e de 16 a 21, e os sábados de 10 a 14, quere apostar pola imaxe fotográfica como motor de inclusión social: facer visibles situacións de exclusión social ao conxunto da sociedade, involucrar a persoas (fotógrafos profesionais e afeccionados) en realidades que na maior parte dos casos até agora eran alleas e sobre todo pór a disposición das persoas en situación ou risco de exclusión social un vehículo de expresión propio. Todo elo para que os poderes públicos dirixan a súa atención cara aos colectivos máis vulnerables, situando as persoas no primeiro plano da axenda política.

Traballo en rede

A organización e difusión da exposición, así como das visitas de rapaces e rapazas dos colexios da comarca, é posible pola implicación, a vontade de traballar xuntos e o esforzo voluntario de persoas das entidades sociais de loita contra a pobreza e a exclusión social de Ferrol e Narón.

EAPN Galicia é unha rede que en Galicia agrupa a 15 das entidades galegas mais representativas nesta tarefa. Unha delas, Teima Down Ferrol, asumiu especialmente a organización da mesma, xunto a outras entidades membro como Afaes Portanova (FEAFES), COGAMI, Cruz Vermella, Secretariado Xitano, etc.

EAPN GALICIA OPONSE A BANCARIZACION DAS CAIXAS

A Rede Galega contra a Pobreza únese á Plataforma de ONG de Acción Social, a Plataforma de Voluntariado de España, a Rede Europea de Loita contra a Pobreza e a Exclusión social no Estado español (EAPN-Es) e o Comité Español de Representantes de Persoas con Discapacidade (CERMI) no seu rexeitamento á proposta de ‘bancarización’ das caixas de aforros españolas.

As actividades e centros das obras sociais de entidades como Novacaixagalicia, dan emprego a máis de 40.000 persoas en España e contribúen dun xeito nídio ao benestar das persoas máis vulnerables. Os 2.058 millóns de euros que as caixas destinan a proxectos sociais son garantía para a construción dunha sociedade máis xusta e cohesionada.

En tempos de crises, é preciso erradicar os factores distorsionadores e, máis que nunca, promover un relanzamento e a profundización da misión social das caixas, adaptada ás circunstancias actuais. A falla de transparencia, de control social e, en xeral, dunha xestión orientada pola mellora continua da calidade foron factores que potenciaron a desviación dos obxectivos iniciais das caixas de aforros. Neste sentido, as entidades do Terceiro Sector de Acción Social estamos dispostas a xogar un rol de apoio e supervisión que reorienten de novo a súa acción cara á mellora do benestar de todas as persoas.

Prevíronse 580 millóns de euros directamente para programas de loita contra a exclusión en 2011. Con este e outros datos, as caixas españolas sitúanse á cabeza do investimento social privado no mundo. Por tanto, as entidades do Terceiro Sector de Acción Social non podemos permitir que se ‘bancaricen’ caixas como Novacaixagalicia e se transformen en entidades dirixidas a obter lucro para os seus accionistas, abandoando a misión social pola que foron creadas.

Podes acceder ao posicionamento conxunto , descargarte un argumentario sobre este tema ou ACTUAR AGORA solicitando ao goberno que teña en conta esta petición.

(183,00 Kb)

A FUNDACION ERGUETE INTEGRACION XA EN EAPN GALICIA

Aprobado o Plan Operativo 2011

Na Asemblea Xeral de EAPN Galicia celebrada o 15 de decembro, aprobouse o Plan de actuacións para o 2011. Este Plan pretende reforzar a Misión de EAPN, tras un 2010 no que se incrementou notablemente o volume de actuacións realizadas, incidindo de xeito efetivo no deseño de novas políticas e prácticas que contribúan á defensa dos dereitos e intereses das persoas en situación ou en risco de pobreza e exclusión social, promovendo cambios que optimicen os procesos de inclusión social en Galicia.

Establecéronse tres prioridades para o novo ano : Fortalecemento interno e aumento da participación, reforzo da capacidade de análise e xeración de propostas e diversificación do financiamento.

Durante a Asemblea, aprobouse por unanimidade a incorporación a EAPN Galicia da Fundación Érguete-Integración . Esta Fundación ten a finalidade de facilitar a incorporación sociolaboral de persoas en risco ou situación de exclusión social, cunha metodoloxía de traballo fundamentada no deseño e seguimento de itinerarios individualizados de inserción.

Dende o seu comezo vén desenvolvendo diferentes programas e actividades en base á formación integral dos/as usuarios/as. Trátase de proporcionarlles a formación e os recursos que lles faciliten o acceso a un posto de traballo e a súa permanencia no mesmo.

www.fundacionerguete.org/

Seminario FONDOS ESTRUTURAIS

O papel das Organizacións non Gubernamentais e o Voluntariado

EAPN Galicia, co apoio da Fundación Galicia Europa e de EAPN España, organizan este seminario, aberto e gratuíto, o 24 de novembro na Escola Galega de Administración Publica (EGAP) en Santiago de Compostela.

E un seminario novedoso e especialmente importante pola oportunidade de coñecer a regulación e funcionamento destes fondos así como as posibilidades de facer efectiva a prevista implicación da sociedade civil na súa definición e seguimento, máxime cando con Fondos Estruturais provintes da Unión Europea se financian unha gran parte das actucións de inclusión social que se realizan en Galicia.

Contarase coa participación de expertos de EAPN Europa e EAPN España como Sali Guntín, Raul del Viso ou José Javier López ou do propio Director Xeral de Planificación e Fondos da Xunta de Galicia, Francisco Rodríguez Seijo.

Pódeste descargar o programa aquí mesmo. Para inscribirse, abonda escribir un correo antes do 19 de novembro a formación.eapngalicia@gmail.com

(135,07 Kb)

O PARLAMENTO DE GALICIA ASUME COMO SEU O MANIFESTO POR UNHA CIDADANIA INCLUSIVA

Inaugurada a Exposición Fotográfica PRIORIDADE I: POBREZA E EXCLUSIÓN SOCIAL

No actual contexto de crise económica, o deterioro das condicións de vida e de
traballo fan que un sector cada vez máis amplo da nosa sociedade se enfronte á ameaza do empobrecemento e a exclusión. Esta preocupante crise social precisa que os poderes públicos dirixan a súa atención e os seus orzamentos cara aos colectivos máis vulnerables, establecendo prioridades neste ámbito e situando as persoas no primeiro plano da axenda política e económica.

No marco co Día Internacional para a Erradicación da Pobreza (17 de outubro), EAPN e o Parlamento de Galicia celebraron un acto institucional no que se inaugurou a exposición fotográfica “Prioridade 1: pobreza e exclusión social”.

O presidente de EAPN Galicia, Santiago González Avión, fixo lectura do Manifesto por unha Cidadanía Inclusiva, un documento confeccionado en común por persoas en situación de vulnerabilidade coas que traballan as organizacións sociais integradas en EAPN Galicia. O texto quere por de manifesto a ameaza da discriminación que pende a diario sobre estas persoas, apostando pola súa participación plena e activa en todos os ámbitos da sociedade.

O pleno do Parlamento de Galicia fixo seu este manifesto nunha declaración institucional, mantendo deste xeito a presenza na axenda política da loita contra a exclusión social. Nesta declaración, os deputados e deputadas fan tamén unha chamada á loita contra a pobreza en todo o mundo e mais ao cumprimento dos Obxectivos do Milenio.

A presidenta do Parlamento de Galicia, Pilar Rojo Noguera, insistiu en que os representantes políticos e a cidadanía en xeral teñen “a obriga moral” de dirixir a súa mirada cara á realidade das persoas en situación de vulnerabilidade. Rojo instou tamén á loita pola integración e á implicación da sociedade coas familias e persoas que precisan a axuda das organizacións sociais.

No I Concurso de Fotografía Inclusiva que promoveu EAPN Galicia recibíronse medio cento de traballos destinados a poñer de manifesto a actual realidade da exclusión social en Galicia. As imaxes seleccionadas polo xurado amósanse agora na exposición que alberga o Parlamento, nunha primeira etapa que a levará por pobos e cidades galegas.

Os tres primeiros premios do concurso recaeron en fotógrafos afeccionados, todos eles relacionados dalgún xeito co sector da acción social. A fotografía vencedora foi a titulada “Sen voz”, de Antonio Porto. O segundo premio correspondeulle a Xan Duro, grazas ao traballo que titulou “As rebaixas”. Por último, Mauro Longarela recibiu o terceiro premio por “Xoguetes rotos

(72,97 Kb)

Seminario ¿E A POBREZA NOTICIA?

As persoas en risco de exclusión social nos medios de comunicación

EAPN Galicia e a Asociación Galega de Reporteiros Solidarios (AGARESO) organizan este seminario, aberto e gratuíto, o 21 de outubro na Facultade de Ciencias da Comunicación da Universidade de Santiago de Compostela.

O obxectivo principal desta xornada é, dende unha concepción moi práctica, analizar o tratamento da información, terminoloxía empregada e visibilidade dos colectivos de persoas mais vulnerables, facilitando ou elaborando ferramentas que permitan mellorar a comunicación. Está dirixido tanto a membros de entidades sociais galegas coma a profesionais, estudantes ou responsables de medios de comunicación.

Ao longo da mañá buscarase, de xeito práctico e participativo, como mellorar a presenza de persoas con discapacidade, inmigración ou do colectivo xitano, nos medios de comunicación. Para contextualizar esta problemática, contaremos tamén coa presenza de Bieito Rubido, director de ABC.

Pódeste descargar o programa aquí mesmo. Para inscribirse, abonda escribir un correo a formación.eapngalicia@gmail.com

(4.896,63 Kb)

I CONCURSO FOTOGRÁFICO DE CIDADANÍA INCLUSIVA

Fotografías premiadas

O xurado do Concurso, tras analizar as 41 fotografías presentadas, decidiu outorgar os seguintes premios:

1º Premio: SEN VOZ

2º Premio: AS REBAIXAS

3º Premio: XOGUETES ROTOS

Do mesmo xeito, seleccionáronse 29 fotografías que participarán na exposición PRIORIDADE I. POBREZA E EXCLUSIÓN SOCIAL, que dende o 15 de outubro estará no Parlamento de Galicia con motivo da celebración do 17 de outubro (Día Internacional contra a Pobreza), nunha primeira etapa que a levará por outras cidades galegas.

Según as bases do concurso, o xúrado estivo composto polo Presidente de EAPN Galicia, o coordinador do Grupo de Participación/Axenda 2020 de EAPN Galicia, a Dirección de EAPN Galicia, a Presidenta do Parlamento de Galicia ou persoa delegada e un fotógrafo profesional.

Premio de Xornalismo do Ano Europeo 2010

Combate a pobreza e a exclusión social

A Comisión Europea creou o Premio de Xornalismo do Año Europeo 2010 para apoiar e recoñecer o labor de xornalistas que contribúen a sensibilizar e a entender mellor a pobreza e a exclusión social.

O concurso está aberto a xornalistas de prensa escrita, online e de medios audiovisuais que publicaran artígos ou emitiran reportaxes que traten sobre a pobreza e aa exclusión social na Unión Europea. Os artígos e reportaxes deberán terse publicado ou emitido entre o 1 de outubre de 2009 e o 31 de agosto de 2010 nun medio de comunicación de algún dos 27 Estados membros, Islandia ou Noruega.

Os obxectivos do Premio de Xornalismo do Ano Europeo son:

Premiar a calidade xornalística á hora de informar sobre a pobreza e a exclusión social
Difundir a campaña do Ano Europeo entre os representantes dos medios de comunicación dos 27 Estados membros, Islandia e Noruega
Fomentar unha maior comprensión da pobreza e a exclusión social, as súas causas e as súas posibles solucións.

¿Interésate?

Ë tan doado coma encher o formulario de inscripción online e subir a obra. O prazo para enviar as obras remata o 31 de agosto de 2010. Non haberá excepcións nin ampliacións.

Lea detidamente os requisitos para participar no concurso antes de enviar a súa solicitude. A inscripción é de balde.

Prema na imaxe para acceder ás Bases

Consulta Europea a Rexións e Cidades

Your Voice on Europe 2020

Prema na imaxe para acceder á información

O Comité das Rexións lanza unha consulta ás cidades e rexións europeas sobre a estratexia Europa 2020 – "A súa opinión sobre Europa 2020". O aporte das autoridades locais e rexionais influirá na presentación que se realizará aos líderes europeos e nacionais antes da adopción final da estratexia polo Consello en xuño. Todas as autoridades locais e rexionais da Unión Europea poden contribuir, para o cal deben enviar o cuestionario cumprimentado en calquera lingua da UE a consultation@cor.europa.eu

A data límite é o 12 de abril de 2010.

Descargue aquí o documento de Consulta en español

(240,50 Kb)

Proxecto Dono

Donacións de Software e Hardware a ONL

Prema na imaxe para acceder á web

Este programa de donacións online é unha alianza entre Technosite e TechSoup Global, organización sen ánimo de lucro e ubicada en San Francisco, que vincula as donacións tecnolóxicas das principais compañías de software e hardware e o terceiro sector en España.

O programa axuda as organizacións facendo posible a donación de software por unha pequena taxa administrativa, axudando as institucións a optimizar a compra e infraestrutura das súas TIC.

Recibir donacións de produtos tecnolóxicos, libera un pouco os axustados orzamentos que manteñen as ONG tanto para programas de tecnoloxía como de outras áreas. O software e outros produtos tecnolóxicos poden ser máis que meras adquisicións; o portal www.proyectodono.org axuda as institucións a optimizar as compras e infraestruturas TIC, ofrecéndo recursos e consellos respecto da planificación tecnolóxica, trucos e prácticas, e outros tipos de asistencia tecnolóxica.

O Concurso Euroscola 2010 centra a atención sobre a pobreza e a Exclusión

Convoca a Oficina do Parlamento Europeo en España

Prema na imaxe para acceder á Web de Euroscola

Convocado pola Oficina do Parlamento Europeo en España, en colaboración coa Representación da Comisión Europea en España está destinado a mozos de entre 15 e 18 anos.

O 2010 é o Ano Europeo contra a Pobreza e a Exclusión Social. Nesta nova edición o concurso tratará sobre estes temas. É unha bona oportunidade de achegarse á realidade dos problemas das persoas sen recursos.

Os gañadores poderán participar nunha Xornada Euroscola do Parlamento Europeo en Estrasburgo. Só hai que formar un grupo de 10 alumnos e un profesor responsable. A competición comeza o 15 de febreiro.

Mozos contra a Exclusión

Concurso de Fotografía

O Organismo Autónomo de Programas Educativos Europeos, en colaboración co Ministerio de Educación e as Consellerías de Educación das Comunidades Autónomas, convoca o concurso de fotografía “Mozos contra a exclusión social”. Dirixido a alumnos de centros de Educación Secundaria e Bacherelato, este concurso de fotografía ten por obxectivo fomentar entre o alumnado a toma de conciencia ante a pobreza e exclusión social, así como o dereito a vivir con dignidade. Prazo de presentación de traballos ata o 19 de febreiro de 2010.

Descarga aquí as Bases do Concurso

(89,70 Kb)