A Rede Galega contra a Pobreza -EAPN-Galicia- nace en setembro de 2008 coa finalidade de agrupar e aunar os esforzos das entidades autonómicas do terceiro sector implicadas na loita contra a pobreza e a exclusión social a través da defensa los dereitos e  a participación social plena destes colectivos.

EAPN-Galicia é membro da Red de Lucha contra la Pobreza y la Exclusión Social en el Estado Español (EAPN-ES) e forma parte da European Anti Poverty Netwok (EAPN), Rede Europea contra a pobreza e a exclusión social fundada no ano 1989. No Estado Español comezou a funcionar no ano 2004 como unha rede de ONG’s comprometidas pola inclusión das persoas en situación ou risco de exclusión social. A partir de aí comézanse a fundar as Redes autonómicas baixo unha filosofía e modo de facer común.

A Rede Galega contra a Pobreza xorde como resposta á necesidade que existe en Galicia de intensificar a efectividade das accións contra a exclusión social. As entidades máis representativas de colectivos vulnerables deciden unir os seus esforzos e crear unha plataforma capaz de loitar contra a pobreza actuando como voceiro das desigualdades sociais existentes coa finalidade de que sexan introducidas na axenda política para palialas na medida do posible.